Aya – aya wae budak teh

ku : Owie

Euweuh kapaur ieu budak. Karak mah kamari di carekan ku indungna gara – gara rag-rag tina tangkal tangkil di astana, sirahna geus bocos nepikeun ka diperban kulawon bodas, percis jiga layar tanceb, leungeunna di bungkus kulawon kurut jiganamah elap etateh geus lekoh kitu sih, sukuna coba bayangkeun bared ngagusruk kana tangkal jarong nu ngarunyuk dihandapeun tangkal eta, ngagoakna menta ampun eta budak, jerengees pisan, sakampung sugan ngadengeyeun. Eh ayeuna geus maen bola deui da diajak ku baturna. Haduh ampun budak teh euweuh kanyeri. Maen bola manehna tea jiga kebo rek ngagadil jelema, pan ngabahayakeun maen kitu mah. Jiga Bambang Pamungkas lain komo jiga Ronaldo mah jauh pisan. Nu aya nyilakakeun batur weh.

Tapi najan kitu ieu budak teh aya manfaatna oge sih. Kadang – kadang sok milu kerja bakti di masigit. Mun aya rehabilitasi sok pang semanget na ieu budak. Mantakna kana dahar ge pang segit na. Misalna manehna yeuh keur ngoper adukan di luhur masigit lantai 2, pas waktu istirahat weh aya nu ngomong kieu “dalahar heula yeuh”, huwh manehna mah langsung turun lumpat, jiga anak hayam diasongan hu-ut. Geus dahar teh sungutna tara dikumbah deui, ih meni rebeh. Atuh ceuk urang mah nya cai deukeut tinggal ka wc masigit, ih embung weeeh. Dasar si kummel.

Salain eta, budak ieu teh sok daekan dititah ku tatanggana, teu eraan da jelemanamah. Misalna bu Haji balik balanja yeuh ti pasar, kan ari si ibu haji mah ngawarung sembako, nya pasti loba balanjaanna, tah mun kabeneran keur mawa balanjaan eta budak kapanggih di gank, pasti dititah. Huwh segut;  soalna sok di bere duit ku ibu hajina. Ngaran gawe aya duitan mah, semangat manehna jiga kabakar langsung tea, teuing aya kalainan eta budak teh sugan.

Leuwih ngeleyed deui mun keur sholat eta budak. teu daekeun bener sholatna. Komo mun manehna sholat deukeut baturna, tah dina shaf eta the ngabaris jeung baturna, manehna pangsisina, disisi belah kirina aya sapuluh orang mah batur manehna kabeh, eh di jorongkeun kumanehna, atuh nu sapuluh orang plus batur nu keur khusyu’ ngaguling kabeh. Pan lain teu eucreug eta teh. Ih aya – aya wae budak teh.

Lain eta wungkul, mun misalna keur sholat manehna aya ditukangeun baturna yeuh, pan baturna teh pake samping lain pake calana ieuh, komo mun sholat jumaah mah, kalakah di singsatkeun samping na, keur kabeneran eta budak teh te make jeroan, atuh katingali beulah bujurna. Lain nyengir eta nu lainna ngagak-gak. Haduh ampun ieu budak. tapi najan kitu oge ieu budak baturna loba, soalna bageur. Mun boga kadaharan teh sok babagi ka baturna, daekeun ngaji deui. Yaah maca Juz ‘Amma mah bisaeu. Aya – aya wae budak teh.

Wassalam………….



Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: